Loftslag
Það er stundað miklu meira skógarhögg á Amasónsvæðinu en nokkur maður hafði ímyndað sér. Þetta sýna upplýsingar frá gervihnöttum, sem vísindamenn við Carnegie-stofnunina og Stanford-háskóla í Bandaríkjunum hafa rannsakað. Ný tækni sem sendir vísindamönnum svo nákvæmar gervihnattamyndir að þar má greina einstök tré hefur leitt í ljós að ólögmætt niðurhögg einstakra trjáa hér og hvar - sérvalinna trjá eins og þetta er kallað - er miklu meira og eykur mun meira á gróðurhúsaáhrif en hingað til hefur verið talið. Þessi duldi skógarhöggsiðnaður leiðir um 100 milljónir tonna af kolefni út í andrúmsloftið árlega sem þýðir að losun kolefnis vegna skógarhöggs á svæðinu er 25% meiri en talið hefur verið.
Þegar stakt tré er fellt, dregur það með sér nágrannatré í fallinu eða eyðileggur þau og þetta á líka sinn þátt í þessari miklu losun. Í regnskóginum tengja vafningsjurtir trén sterklega saman og vísindamennirnir álíta að um 30 tré eyðileggist þegar eitt “sérvalið” tré er fellt.
