Enn eitt árið er horfið
í grámóðu fortíðar.
Í mistrinu eru milljónir annarra
ára sem liðu og hurfu
og engin man lengur.
Af hverju er ár eitthvað
sem skiptir máli?
Þrjúhundruðsextíuogfimm eða
þrjúhundruðsextíuogsex dagar
og
þrjúhundurðsextíuogfimm eða
þrjúhundruðsextíuogsex nætur
hvert öðru lík,
raðað í einfalda röð
og kallaðir ár.
Áramót er augnablik
búið til af mönnum,
en er aðeins eitt andartak
af óteljandi andartökum.
Það andartak er eins og öll hin
sem farin eru,
og eins og þau sem eru ókomin.
Framundan er nýtt ár
alveg eins og öll hin sem farin eru.
Örlög þess eru þau sömu og allra hinna.
Að hverfa í gráma fortíðar
og gleymast.
Núið.. er andartak sem ekki er til
Það er bara til horfin fortíð
og ókomin framtíð.
Allt annað er mannanna verk
og hugarsmíð.
Jón Ingi
1952-
